Modi-i Mongolia Tir Battulga India-i jaoker

New Delhi, July 26 (Agencies): Prime Minister Narendra Modi-i Mongolia nung tawa tir tasen shimba Khaltmaa Battulga India semdangtsü jaokogo.
Battulga ya China anema nokdaker ka lir aser pai elction nüboyimba mapang China nungi rongsenkettsüng nüjiso angutsü indang jembia liasü.
India-i China den arrtsü mangatettep adoka aliba mapang ka nung Modi-i Mongolia den tesentaktep yanglutsü meranger.
Mongolia linük indang foreign trade nung 70% ji China den lir aser ano parnok indang exports 90% ji China den lir.
2017 Mongolian Presidential elections mapang Battulga-i “linük mashi ka atema rail & transportation ji national security aser rongsenkettsüng onük ka lir” ta jembi.
Buddhist nunger teimba sür aliba Mongolia-i yaküm Tibet nunger tamangba lennir Dalai Lama jaokba sülen China den tesentaktep mejungi aküm.
Dalai Lama-i semdangba sülen China-i arrtsülen lenmang tongtipang ka shibang aser ibaji ajanga Mongolia nunger truck anishir aika len tom nung anentsüsa aküm. Iba ajanga Mongolia-i tang nungi Dalai Lama kodanga mejaoktsü ta tenangzükba agitsüsa aküm.
Battulga-i Tir election nung takok anguba sülen taoba India Tir Pranab Mukherjee-i pa den tepela osang lemsatep aser Indian Ambassador to Mongolia-ia pa den mezüng ajurutepa liasü.
2015 nung Modi-i Ulaanbaataras semdang aser idangji Mongolia nem $1 billion credit agütsütsü nangzük. tor
Mongolia ya Russia aser China tiyongtsü nung lir aser tir Battulga den tesentaktep tajung yangluba ajanga India ajangzüktsü ama ajiteter.