Modi-i Muslim anema rara ayonger: IS

New Delhi, Dec. 03 (Agencies): Kiralongrar telok, Islamic State (IS)-i parnok manifesto tasenba- ‘Black Flags from the Islamic State’ ajanga, Narendra Modi-i raraba osettem külemer aser parnok atema tsükchir tongti- Muslim nunger anema raratsü atema par nübur renemshidaktsür, ta ashi.
Indian Express osang ka ajanga ashiba agi, IS-i India nung parnok rara tesashiba akumtsü azüngashiogo.
“Tangbo IS-i Iraq aser Syria alemer inyaktsü; India, Pakistan, Bangladesh, Afghanistan tashi nung inyaktsü,” ta manifesto ajanga ashi.
IS teloki tang mezüng India yimtenren tensa asadangogo. ‘Analysis’ of Indian political scenario’ ajanga, Muslim nunger nashi shi achirtem tepsettsü atema Hindu nunger mapatong ka tenzükogo.
“Tir (Ato kilonser) Narendra Modi ya right-wing Hindu nationalist ka lir, shibai raraba osettem külemer aser tarutsü nung Muslim nunger anema raratsü atema par nüburtem renemshidaktsür,” ta manifesto ajanga ashi.
“Nisung tali shimoka parnok atema tsükchir tongti, Muslim nunger anema kiralongra tenzüktettsüpur ayongtsü asoshi parnok indang yimtenren kongsang ka lir,” ta manifesto ajangasa ashi.
IS indang manifesto ya online nung jihadist sabang kar ajanga sayaogo.