Modi-i Myanmar lenir Suu Kyi nem tenüngsang agütsü

New Delhi, Nov. 12 (Agencies): Tanü Ato kilonser Narendra Modi-i Myanmar yimtenren lenir, Aung San Suu Kyi dangi phone süa lai election nung takok anguba atema tenüngsang agütsüogo.
Ato kilonser Modi-i la India-ia jaoka liasü.
Iba dak sentakba nung tanü Ministry of External Affairs otongdar, Vikas Swarup-i, “Ato kilonseri Aung San Suu Kyi dang phone ajanga election nung takok anguba atema tenüngsang agütsü aser India semdangtsü atema-a la jaokogo,” ta ashi.
Modi-i anogo asemnü Britain semdangtsü atema tayimtsü nung aoba mapang pai la den phone ajanga jembi.
Myanmar general election nung tang tashi nung Suu Kyi’er party, National League for Democracy-i menden 536 tashi nung takok ngua lir.