Modi-i Paralympics medallist, Malik nem sen crore 4 senpet agütsüogo

Gurgaon, November 02 (Agencies): India Ato Kilonser, Narendra Modi-i Rio Paralympics silver medallist, Deepa Malik nem sen crore 4 tashi senpet agüja yashi, Mongolbar nü tushiogo.
Haryana state tenteter küm 50 abensaba benjungmong den sentaktepa agiba sentong nung Modi-i arishi küm 46 tain Malik nem senpetji agütsü.
Kasa sentong nung Haryana Governor, Kaptan Singh Solanki, Haryana Chief Minister Manohar Lal Khattar aser Haryana Sports Minister Anil Vij nungeri shilem agia liasü.
Malik-i Rio Games tetsür shotput- F53 final nung shotput metre 4.61 tashi tonga ondoka, silver medal agizükba sülen la India’er mezüngbuba Paralympic medal agizüker asayar aküm.
2012 Arjuna Award agizükla, Malik ya teko ser tekübok temang shilem marakzütetba asayar ka aser tanur 2 tetsü mitkar kinüngtsü ka lir.
1999 küm tongtiret nung tumour komo adokba sülen Malik-i operation 3 ben tashi agia cancer tashidak nungi la taküm kümzük.
Lai wheelchair nung küm 6 tashi aliba sülen Malik-i para-sports nung toktepa shilem agitsü tenzük aser taküm takok tulu ngua, India nem konang tajung bener arutsü.
Shot put dak alaka, Malik-i javelin throw aser tzüwatsü tetoktepba nung toktepa shilem agiba den lai tesem balala semdanga, nüburtem ajungmesoa onük jembia senzükba osang bushiteta lir.