Modi-i sepai tongti asem den arrtsülen tensa osang metetpela

New Delhi, November 08 (Agencies): Jammu & Kashmir nung arrtsülen Pakistan-i shells yokba aser injang maneni yokba mapang ka nung tanü Ato kilonser, Narendra Modi-i Army aser Navy tongti den Air Force Vice Chief den senden mena arrtsülen tensa osang metetpelaogo.
Iba senden nung National Security Adviser (NSA), Ajit Doval-i densema liasü, ta ketdangsertemi metetdaktsü.
Iba senden nung Ato kilonseri Line of Control (LoC) aser International arrtsü nung Pakistan-i shells aser injang amshia military posts aser nisungtem aliba tesem nung timtem agütsüba osang metetpela.
Senden nung Army tongti, General Dalbir Singh Suhag-i Modi dang tensa osang metetdaktsüba den külemi India sepaitemi Pakistan nunger azüokba osang metetdaktsü.
Pakistan tsütsülen nungi injang aser shells yokba ajanga J&K artsülen alirtem aser sepai aika süogo aser yashia sepai ka asüba sülen tanü iba senden menogo.