Modi-i ‘solar alliance’ nung adenba alimai tenüng asanger

New Delhi, December 01 (Agencies): Ato Kilonser Narendra Modi aser France Tir Francois Hollande nati ‘UN Climate Change Conference’ nung ‘grand solar alliance’ sentong metetdaktsüba ajanga stakeholders temi tenüngsang agütsü.

“Anü tashi tsütsü renlokba ajanga mapa tasen aika adoktsü aser rongsen kettsüng nung renloktsü. Iba den külemi electricity maliba tesem tem nunga tesangwa angutsü,” ta Tata Group nung mendenbuba Cyrus Mistry-i sangdong ka ajanga metetdaktsü.

Solar alliance sentong ya tang terenlokdak linüktem nung energy anguba sabang ka ama asütsü, ajisüaka iba mapa atema sen entoktsü asoshi tebilemtsü kar lir, ta Stakeholder temi ashi.

Institute for Energy Economics & Financial Analysis nung energy finance studies director, Tim Buckley-i, “Tang tashi nung India nung invest asürtem ya nija company tem timba lir. Sen dollar billion 0.5 ang official channel tem, multi-lateral aser bi-lateral financing agencies tem nungi aruba lir,” ta ashi.

Solar alliance ajanga tzü mopung melentepba tsütsü business jenjang tajungba akümtsü, ta enery nung mongintemi ashi.

Alimai senteper anü tashi tulu amshiba agi nisung billion aika nem ‘renewable energy’ ajanga light agütsütettsü, ta Yes Bank ngutetsang aser CEO Rana Kapoor-i ashi.

21buba Conference of the Parties (CoP 21) ajanga tzü mopung melentepba dak sentakba nung business terenlok tsütsü lokteper inyakba ajanga tali tashi ita inyaktettsü, ta pai shisem.

“International Solar Alliance ajanga alima nung aliba linük shia nung electricity maliba tesemtem nung tesangwa agütsütettsü aser ibaji ajanga totzü tapu balala dak nendaker aliba anentsü,” ta Welspun Renewables nung Tatong Tir Vineet Mittal-i ashi.

Modi-i Paris nung Hombarnü linük 120 shi den anü tashi tajungba renloka amshiba maparen nung shilem agitsü asoshi tesendaktep yangluogo aser takar linüktem dang lipoküm kümzüka ayuba maparen nung yariteptsü mepishi.

“Iba sentong ajanga renloker aliba aser tang terenlokdak linüktem, sorkar aser industry tem, laboratory tem aser institution tem tali sentaktepa akümtsü ta ashidang Modi-i, iba mapa India-i ketdang süa nüngdakba ali den sen dollar million 30 enoka tenzüktsü” ta ashi.