Modi-i ‘Stand Up India’ scheme tenzüktsü

Noida, April 5 (Agencies) : Prime Minister Narendra Modi-i Mongulbarnü Noida nung ‘Stand Up India’ scheme tenzüktsü.
Iba scheme ajanga sen lakh 10 nungi lakh 100 tashi loan agütsütsü aser iba mapa ajanga tetsürtem tsüngda entrepreneurship aser SC o ST nungertem ajungkettsü.
“Dalit aser sensaker nem maongka ka agütsüra, parnoki linük nung temelenshi bener arutsü. Iba ya Stand up India alizüng lir” ta tanü Prime Minister-i metetdaktsü.
Dalit nunger lenir Babu Jagjivan Ram tasoba anogomung nung Modi-i pa nem tetushi agütsü aser paisa ashiba agi, “Babu-i green revolution bener arutsü atema kanga meranga inyak.”
“Stand up India” ajanga India nunger ajak tashi itdaktsütsü aser pei sasa noktaktettsü atema nükjidong lir. MUDRA scheme aser ‘Stand Up India’ tsüngda tepila tulu ita lir.
Iba scheme ajanga Dalit nunger aser tetsür nem loan agütsütsü aser bank lakh 1.25-i tangar memenepba lokti nungi lanur lakh 1.25 nem loan agütsütsü. Iba scheme ajanga Dalit aser tribal teloktem taküm jenjang melenshitsü, ta Modi-isa ashi.