Modi-i tasütait tanur 25 nem Bravery Awards lemtsüogo

January 24, 2016 nü New Delhi nung Ato kilonser, Narendra Modi-i tasütait tanurtem nem National Bravery Awards 2015 lemshia agütsüba sülen award angur tanurtem aser tsüraburtem den külemi tangokba noksa ka angur. Noksa nungsa Women & Child Development Union Minister, Maneka Sanjay Gandhi-a angur.

New Delhi, January 24 (Agencies): Tanü Ato kilonser Narendra Modi-i tasütait tanur 25 nem National Bravery Awards lemtsüogo.
Tanurtemi timtem lendong nung alirtem yariba atema Modi-i parnok nem tenüngsang agütsüogo, ta sangdong ka ajanga ashi.
Item tanurtem dak- kara shisatetba, pei atema mebilemi inyakba aser lendong nung alirtem dang temeim sayuba shisatsü keta liasü, ta pai ashi.
“Award angurtemi, iba tasütait mapaji yangi metembangdaktsütsüla. Taküm maneni liyonga aotsü aser tanurtemi maneni pei wadang nung terenlok akatsüla aser peii akokba tashi agi lokti tenzüktsüla,” ta Modi-i ashi.
Tanü iba award lemtsüba sentong nung Women & Child Development Union minister, Maneka Gandhi-a densema liasü.