Modi-i US semdangdang Facebook HQ-a semdangtsü

New Delhi, September 13 (Agencies):Ato Kilonser Narendra Modi-i Ireland aser US na September 23 nung 29 tashi nung semdanga jajatsü. Iba mapang pai UN General Assembly nung o jembitsü aser Google-a semdangtsü.
Iba semdangba mapa September 27 nü pa Facebook (FB) headquarter-ia aotsü aser idangji tasüngdangba aser telangzüba mapang ka akatsü.
FB, CEO Mark Zuckerberg-i Modi jaokba ajanga pai tan ita tatemlen California nung FB semdangtsü sentong ya latetba lir.
Zuckerberg-i FB ajanga, India Ato Kiolonser Narendra Modi-i Facebook HQ semdangtsü nangzükba asoshi kanga pelar, ta lemsatepba sülen, Ato Kilonseri, “Iba sentong nung ni tasüngdangba ajak agizüktsü,” ta pa indang FB page nung metetdaktsü.
Ato Kilonser küna rongsen ketsüng aser lokti liba tebilemtsütem atema lokti tentet temi koma nungittsü itemji rasaa jembitsü, ta Facebook CEO Zuckerberg-i ashi.