Modi sorkar takok anema Congress-i white paper sayatsü

Varanasi, May 25 (Agencies): Tesüiba küm ana nung Ato kilonser, Narendra Modi’er sorkari inyaktetbatem sangdonga sentong balala nung BJP kanga mazüngi aliba mapang ka nung Centre sorkar tamakoktem sangdongtsü atema Brihostibarnü Congress general secretary, Digvijay Singh-i Modi’er constituency, Varanasi nung white paper ka sayatsü.

Uttar Pradesh Congress otongdar, Prof. Satish Rai-i, Centre nung BJP-i aniba NDA sorkar ochi jungkai adoktsütsü atema Brihostibarnü Digvijay Singh Varanasi-i arutsü, ta ashi.

“Modi’er sorkar tamakoktem sangdongtsü atema party indang official white paper mesangdongdang Ato kilonser’er constituency kechi tia nung ali’ar ibaji reprangdangtsü atema Singh-i yimti tama sema senzütsü,” ta Rai-i ashi.

Ano külen BJP-ia Centre sorkari inyaktetbatem sangdongtsü atema Bodhbar nü aser Brihostibarnü na Varanasi nung sentong ayonga kadar.

You must be logged in to post a comment Login