Modi’er cabinet ulushi; Javadekar ajungket, minister 19 aniok aser 5 anentsü

July 05, 2016 nü Rashtrapati Bhavan, New Delhi nung Swearing-in Ceremony sülen Tir, Pranab Mukherjee, Tatong Tir, M. Hamid Ansari aser Prime Minister, Narendra Modi nungeri tanü tasen shimba Minister tem den külemi agiba noksa ka angur.

New Delhi, July 5 (Agencies) : Mongulbarnü Prime Minister, Narendra Modi-i council of ministers nung züngsem tasen 19 anioka par cabinet ulushiogo.
Sangküm state kar nung assembly elections agitsü aliba dak rangloker aser linük rongsenren jenjang tajungba akümtsü tebilemba nung ajemdaker Modi-i par cabinet ulushiogo.
Tanü Modi-i Environment Minister Prakash Javadekar cabinet menden nung ajungket. Javadekar-i global climate change aser pro-industry policy tem mapa inyakba nung Modi-i pa dak tenük sünga liasü.
Tanü minister menden nungi anentsürtem rongnung Mansukh Bhai Vasava dena lir. Pa ya tribal affairs ministry nung junior minister liasü saka taoba mapang pai Javadekar den tribal rights aser industry atema arem-min agiba anema toktepa aru.
Tanü Modi-i nisung aika aoksadakja, minister tain ana – Najma Heptulla aser Kalraj Mishra na manentsü aser pa den yariteper tongti ana – Power Minister Piyush Goyal aser Petroleum Minister Dharmendra Pradhan na nem Cabinet menden magütsü.
“Prime Minister-i mapa inyaktettsüpurtem anioktsü atema telatetba agütsü. Pa indang Development & Good Governance mangdang tongtsütsü aser Gaon, Garib o Kisan mapa inyaktsü atema pai nübotem shim” ta sorkar osang ka ajanga metetdaktsü.
Tanü minister tasen shimertem rongnung parnok tenetbo sangküm election agitsü aliba state tem nungi lir aser Dalit community nungia parnok pungu dena lir. Iba ya BJP-i Uttar Pradesh aser Uttarakhand nung scheduled castes nungi nisungtem atsür arutsü nükjidong nung lir. Iba state ana nung sangküm assembly elections agitsü lir aser taoba election tem nung scheduled castes-i BJP nem teyari magütsü.
Tanü Modi’er cabinet ulushiba sülen züngsem 78 kümogo aser iba ya Modi-i 2014 election nung “minimum government and maximum governance” tenangzükba sangdongba denbo kanga meputep lir.
Tanü Rastrapati Bhawan nung Tir, Pranab Mukherjee-i minister tasen shimertem nem tenangzükba agidaktsü.
Tasen shimertem: SS Ahluwalia, Ramesh Chandappa Jigjinagi, Parshottam Rupala, MJ Akbar, Arjun Ram Meghwal, Anil Madhav Dave, Vijay Goel, Rajen Gohain, Mahendra Nath Pandey, CR Chaudhary, PP Chaudhary, Ramdas Athawale, Subhash Ramrao Bhamre, Jasvant Sinh Bhabhor, Mansukh Mandaviya, Faggan Singh Kulaste, Ajay Tamta, Anupriya Singh Patel, aser Krishna Raj.
Rajya Sabha nungi Minister of State anguba BJP MP tem : Faggan Kulaste, S S Ahluwalia, Ramesh Jigajinagi, Vijay Goel, Ramesh Chandappa, Anil Madhav Dave, Rajen Gohain, Parsottambhai Rupala, Dr Subhash Ramrao Bhamre, P P Choudhary, CR Chaudhary, Mansukh Mandaviya, Ajay Tamta, Dr. Mahendra Nath Pandey, Krishna Raj aser journalist tejen M. J. Akbar
Ano, RPI nungi Ramdas Athawale aser Apna Dal nungi Anupriya Patel nati Ministers of State atema tenangzükba agi.
Union council of ministers nungi anentsürtem.
Prime Minister Narendra Modi-i minister tasen 19 aniokba sülen taonung pai minister tem indang portfolio melenshiogo.
Taonung Modi-i menden melenshiba rongnung Smriti Irani HRD ministry nungi anentsü aser Textiles Ministry-i belen. Irani melena Prakash Javadekar nem Human Resources Development Minister menden agütsüogo.
Ano, taoba Parliamentary Affairs Minister Venkaiah Naidu I&B minister kümdaktsüogo aser Anant Kumar nem Parliamentary Affairs Minister menden lemzüktsü.
Law Ministry nungi D V Sadananda Gowda Statistics & Programme Implementation-i belen.
IT Minister Ravi Shankar Prasad nem Law & Justice ministry amsema inyaktsü lemzüktsü.
External affairs ministry nung MJ Akbar minister of state shim.
Jayant Sinha MoS Finance nungi MoS Civil Aviation-i belen.
MoS Sanjeev Kumar Balyan Agriculture ministry nungi ministry of Water Resources, River Development & Ganga Rejuvenation-i belen.
Anupriya Patel nem Minister of State for Health & Family Welfare lemzüktsü aser Ajay Tamta nem Textiles Ministry lemzüktsü.
Narendra Tomar nem Rural Development Minister aser Arjun Meghwal nem MoS Finance lemzüktsü.
Taoba Congress züngsem SS Ahluwalia nem Agriculture, Farmers Welfare & Parliamentary Affairs Ministry lemzüktsü.
Minister of State for Railways Manoj Sinha-i Minister of State (Independent Charge) ama Communications portfolio amsema inyaktsü.