Modi’er sorkari publicity nung sen crore 4,343 endok

Mumbai, Monupii (May) 14 (Agencies): Monupii (May) 2014 nung akümba sülen Narendra Modi-i aniba sorkari publicity nung sen crore 4,343 endokogo ta RTI telangzüba ka nung metetdaktsüogo.
RTI activist Anil Galgali-i asüngdangbaji Ministry of Information and Broadcasting kübok agency kati langzü.
Sorkari print & electronic media den outdoor publicity nung sen crore 4,343.26 endok ta Bureau of Outreach Communication-i telangzüba agütsüba nung shia lir.
Iba nung print media (June 1, 2014 nungi December 7, 2017) advertisement balala nung sen crore 1732.15 endokba, electronic media (June 1, 2014 nungi March 31, 2018) sen crore 2079.87 endokba aser outdoor publicity (June 2014 nungi January 2018) sen crore 531.24 endokba dena lir.
Bureau of Outreach Communication nung Financial Advisor, Tapan Sutradhar-i Aami (June) 2014 nungi publicity campaigns nung endokba osangji agütsü.
“Print media nung osangkaket, magazines dena lir, electronic media nung TV, Internet, radio, digital cinema, SMSs amala aser Outdoor publicity nung posters, banners, digital panels, hoardings, railway tickets amala dena lir” ta RTI telangzüba nung shia lir.
I&B ministry nung media unit asem lokteper Bureau of Outreach Communication ya tentetba lir.