Mohammed Alamgir nem tasüba temerenshi agütsütsü

Varanasi, July 30 (Agencies): Küm 11 tejaklen, 2005 küm Shramjeevi Express bomb lendong sülen iba ken o nung aibelener, Mohammed Alamgir, shiba dang Ronny ta ajar, pa nem tasüba temerenshi agütsütsü atema Honibarnü Jaunpur court-i obendang agütsüogo.
Ano kasa ken o nung aibelener, Obedur Rahman (Babu Bhai) nem o bendang August 2, 2016 nü agütsütsü.
2005 küm July 28 nü Jaunpur district nung aliba Harpalganj crossing anasa Delhi-i aoba Shramjeevi Express train nung bomb tesashi ka apok, aser iba lendong nung passenger 8 asü aser 18 dak tema yirua liasü.
Additional District & Sessions Judge, Budhiram Yadav-i iba ken o nung Alamgir-i aibelena lir, ta shia iba obendang agütsü.
Alamgir aser Obedur Rahman naprong ya Bangladesh nungi lir aser tang Jaunpur district jail nung puoka lir. Kasa ken o nung tai tonglokja alir nisung ana- Nafikul Vishwas aser Hilaluddin nabo ano tanga ken o kar nung ken o angadangtsü atema Hyderabad nung aliba jail nung puoka lir.