‘Mohenjo Daro’ film agi mezüng hopta nung sen crore 30 aatet

Mumbai, August 15, 2016 : Hrithik Roshan-i tongti shilem agiba “Mohenjo Daro” film agi India nung sayar mezüng hopta nung sen crore 30 aatet, ta film yanglurtemi ashi.
Hokolbarnü India nung iba film sayar mezüngnü sen crore  8.87 aatet.
Iba film yagi Honibarnüa sen crore 9.6 aatet aser ano Deobarnübo mezüngnü aser tanabubanü na dang nungi timba, sen crore 12.07 aatet. Anungji anogo asemnü aatetba ajak meyokteper iba film yagi NBOC (Net Box Office Collection) nung sen crore 30.54 aateta lir, ta film yanglurtemi sangdong ka ajanga metetdaktsü.
Iba film, alima ajaki metet alisang, nüngtugu film yanglur Ashutosh Gowariker-i direct asü aser Siddharth Roy Kapur o Sunita Gowariker na sentepa produce asü.
Film nung Pooja Hegde tan mezüngsüa shilem agia lir.
Iba film ya tasü tait nisung ka meimtepba otsü lir. Iba film ya 2,600 BC mapang Indus Valley civilisation atalokba tesem, Mohenjo Daro yimti nung tangok.
Mohenjo Daro film ya August 12, 2016 nü alima rangben nung saya.
Gowariker’eri zülua, produce süa aser direct asüba film ya 2008 küm “Jodhaa Akbar” film sülen, Hrithik atema par den tanabuba film lir.