Mohun Bagan-i DSK Shivajians 2-0 agi akok

Pune, January 31 (Agencies): Honibarnü BalewadI Sports Complex nung I-League asayadang Sony Norde-i goal ana yokba ajanga Mohun Bagan-i DSK Shivajians madak 2-0 agi takok nagu.
Norde-i asay tenzüker minute 12 aser 55 buba nung Mohun Bagan atema goal anaji yokba DSK-i ka danga meküpdoktet.
Tanü iba takok anguba ajanga I-League nung Mohun Bagan point 10 ngua tanabuba jenjangi tuogo.
Tang tashi nung parnok match pezü asayaba nung asemben akok aser East Bengal den 1-1 asü.
Asaya tenzüklibo DSK Shivajians teloki tajungba asaya liasü aser tenzüker minute pezübuba nung par telok nungi Douhou Pierre ball tajung ka ajungkettsü saka ibaji shingaia metongshi.
Tanü asaya nung DSK nungi asayar Lalhmangaihsaga Ralte-i fault anaben mena-a yellow card ana anguba ajanga asaya tanabuba tesadang nungibo DSK Shivajians pur parnok ter dak aküm.