Mohun Bagan-i takok ngua I-League asayamong tenzükogo

New Delhi, January 09 (Agencies): Defending champions, Mohun Bagan teloki goal 3-1 agi tan mezüngsüa shilem agir telok, Aizawl FC madak takok ngua 2015-16 I-League football asayamong tanü Honibar nü tenzükogo.
Trinad & Tobago forward, Cornell Glenn-i asaya tenzüker minute 5 buba nung mezüngbuba goal agütsüba sülen pai maneni minute 21 buba nung tanabuba goal agüja par Bagan telok temaba jenjang nung ajungkettsü.
Tesülen, Balwant Singh-i tasembuba goal agüja par Bagan telok nem takok bener arutsü.
Bagan defender, Pritam Kotal-i pasasa par telok goalpost telungi ball metsüokja goal agütsüba yong Aizawl teloki tanü asaya nung goal 1 agütsü ta züngoktsüsa aküm.
Tanü takok anguba sülen Bagan teloki ajak agi points 3 ajangzükogo.