Moko chiyungtsü taseptsü nung tekümdangtsü noksa tuluba adoktsü

New Delhi, September 25 (Agencies): 2016 April ita nungi tenzüka moko chiyungtsü tapu balala asepba pongdang shilem 80 nung tekümdangtsü noksa adoktsü, aser iba dak sentakba nung kobi melii health ministry-i company ajak nem tetuyuba ka agütsütsü, ta osang ka ajanga ashi.
Ketdangser kati ashiba agi, moko anema noktakba nung health ministry ajang- ajanga noktaka lir. Moko sepshitsü atema company temi mapang nüngdaktsü asünungji parnok nem tajemba agi ita trok agüja ministry-i tatembangbuba anogoji April 1 latettsüogo.
Mongintemi ashiba agi küm shia moko achiba ajanga South East Asia tesem nung nisung million 1.3 asür, aser moko chiyungtsütem nung tekümdangtsü noksa tuluba madokba ajanga sensaker aser tazüngba makartem temang anema alibaren nung mejungi kongshir.