Mokokchung ADC-i sangdonger

Mokokchung, Tsüklai/February 28 (TYO): Nagaland Department of Power, Chief Engineer, (Distribution & Revenue) office nungi osang ka metetdaktsüba nung ajemdaker tanü Mokokchung Additional Deputy Commissioner, W. Manpai Phom-i, Mokokchung jila telongtet nung electric light indong o indong tsüngda süngzü, cables aser pipes mesanga ayuba memelatsü, kechiyong ibaji ajanga light yanglushiba maparen nung tetsükdaktsü agutsüba den külemi lendong buludaktsür, ta metetdaktsü.
Anungji iba sangdong metetdaktsüba anogo nungi tenzüka ita asem (3) tsüngda jila telongtet nung aliba light indong o indong na tsüngda mesangdaka aliba cables, wires aser pipes ajak agientsü tuyur, ta kasa sangdong ajangasa metetdaktsüogo.