Mokokchung ADC & MMC Administrator-i nübur dang sangdonger

Mkg, Sept 16 (TYO): ADC & Administrator Mokokchung, W. Manpai Phom-i sangdong ka ajanga, Nagaland nung single use plastic nokdangtsü atema sorkari sangdongba ajakji Mokokchung Municipal Council Jurisdiction nung mapa küma benshitsü, aser aibelenertem nem tamalen MMC sangdong nung metetdaktsüba ama temerenshi agütsütsü, ta metetdaktsü.
Tang nokdangba plastic kübok thermo plastic polymer agi yangluba ‘non-woven poly propylene carry bags’-a dena lir, anungji MMC jurisdiction nung ibaji ayoktsü mesüra amshitsü memelar, ta kasa sangdong ajanga metetdaktsü.