Mokokchung AOC totzü enokdak lapoktsüogo

October 13, 2016 nü Mokokchung Police-i Süngkomen Ward, Mokokchung nung aliba Petrol Pump Cooperative Society indang mapa junga meinyakba kol (fuel dispenser) agizüka indoktsüba noksa nung angur. 

Mokokchung, Oct 13 (TYO): Mokokchung town kübok Süngkomen ward nung aliba totzü ayokdak petrol pump (AOC) nung totzü shitak magütsür ta sür, Ongpangkong Kaketshir Mungdang (OKM)-i puteta keno ka agütsüba dak sentakba nung district administration den department of Legal Metrology & Consumer Protection ajanga iba AOC-ji Oct 6, 2016 nü shibangja liasü, ta OKM tir, Sunep Pongen aser tezülur Lendilong nati sangdong ka ajanga metetdaktsü.
Iba dak sentakba maparen nung tenatisa ashiba agi, Legal Metrology Act 2009 U/Sec 33 ozüng kübok aibelenba ngutet nung temzüngi melaba ama Deputy Commissioner & District Magistrate-i merenshiogo.
Iba den ano, parnoki akangba ama, iba petrol pump nung mapa junga meinyakba kol (fuel dispenser) ana tashi agiteta indoktsüogo, anungji, Oct 13, 2016 nungi tenzüka Süngkomen nung aliba AOC petrol pump-ji akhi ama mapa tenzükogo, ta OKM-isa metetdaktsü.
Tarutsü nunga OKM-i iba ama mapa anema teti mita aser kümkümshia alitsü, ta parnokisa shisem.