Mokokchung arrtsülen aonung curfew benokogo

Mokokchung, March 19 (TYO): Sivasagar nung Additional District Magistrate-i sangdong ka ajanga, lokti anemer nisung tamajungertem mittsü atema Nagaland arrtsülen Assam  tsütsü kilometer 5 telungtet nung aonung nungi anepdang tashi aonung curfew alitsü benoker, ta  metetdaktsü.
Sorkar sangdong nungsa, Assam tsütsü aonung 6:00 ako nungi anepdang 6:00 ako tashi U/S 144 Cr.P.C benoker, anungji Nagaland arrtsülen Assam tsütsü Sivasagar district nung kilometer 5 telungtet nung kija, telok mesüra gari senzütsü memelar, ta shia lir.
Ajisüaka mapa lemzükja alir Magistrate, Security sepaitem aser ketdangsertembo iba tetuyuba küboki maiter. Iba tetuyuba ya tang nungi mapa küma benshitsü aser anogo roker (60) tashi alitsü.