Mokokchung aser Zunheboto nung Mission Indradhanush tenzük

Dimapur, October 13 (TYO) : October 12, 2015 nü Mokokchung District nung Mission Indradhanush Phase II tenükogo.

Iba sentong ya District Programme Office Complex nung agi aser tongti tesemdangerji Sushil Kumar Patel ( IAS) Deputy Commissioner aser Chairman District Health Society, Mokokchung liasü.

Sentong nung o jembidang Sushil Kumar-i ashiba agi Indradhanush tetezüji tongnüsen lir aser tongnüsen nung sentsü tenet aliba ama ‘Vaccine preventable diseases’ 7 atema tanur shia nem mozü agütsütsü.

Dr S S Akaba Longchar CMO, Mokokchung-i tesentepertem pela agizüka jembidang Mission Indradhanush ajanga teyari agütsütsü aliba tashidak 7 indang osang lemsatep.

Sentong nung CMO, Medical Superintendent IMDH, Dy CMO, DPO aser staff tem aden.

District Hospital, Zunheboto nunga October 12, 2015 nü Mission Indradhanush mapa tenzükogo.

Iba sentong nung DPO- RCH & UIP, Dr. Alemwapang Aier-i India sorkari Universal Immunization Programme (UIP) ajanga mozü agütsüba aser ano Vaccine Preventable Disease (VPDs) atema mozü tasentem sayaba osang metetdaktsü.

December 2014 nung Ministry of Health and Family Welfare (MoHWF), GOI-i Mission Indradhanush tenzük aser taruba küm pungu tsüngda linük nung diptheria, whooping cough, tetanus, polio, tuberculosis, measles aser hepatitis B atema mozü agütsütsü atema nükdjidong lir, ta paisa metetdaktsü.

You must be logged in to post a comment Login