Mokokchung: AYF, MTBA YD annual sports tenzükogo

Dimapur, June 28 (TYO): Arkong Youth Fellowship, Mokokchung Town Baptist Arogo Youth Department (AYF, MTBA YD)-i par kümshi ayonga asayaba saisapong sentong tanü, Mongolbar nü nungi tenzüka Mokokchung kübok Assam Rifles ground nung asayatsü tenzükogo.
Tan agiba saisapong sentong den sentaktepa, Aongsen Aier-i aniba AYF lenirtem aser Temnameren, Youth Evangelist-i aniba tanüngba MTBA YD telok na tsüngda exhibition asaya ka tanü asaya liasü.
MTBA associate pastor 3 aser toklang tenzüker 3 densemba Evangelist’er teloki goal 4-3 agi exhibition asayaji akok.
Ano külen, asayamong lapokba sentong nung taoba AYF lenir, Limalenden Longkumer-i onük tatsüka jembia liasü.
Anogo 2 agia asayatsü ayongba saisapong sentong nung AYF züngsem telok ana küma lemsar asaya shilem 5 tashi nung toktepa shilem agitsü renema lir.