Mokokchung BJP Unit tir-i Chungtia yimtsüng semdang

Dimapur, Luroi/August 29 (TYO): Bharatiya Janata Party (BJP) Mokokchung District tir O. Tinu Longkumer aser district party ketdangsürtemi tawa anentsüh aluba ajanga teraksatsüba bener arutsüba asadangtsü asoshi Chungtia yimtsüng semdangogo.

Iba tesem semdangba mapang party lenirtemi Chungtia Village Council den senden amen aser anentsüh ajanga kongshir aliba kibongtem atema aria bilemtsüba lemsatepa liasü.

Longkumer-i, iba amala timtem tia nung aliba mapang yimdaklirtem den par party nokdaka aliba metetdaktsüba den BJP Mokokchung unit-i takokba tashi teyari agütsütsü atema Village Council nongita yaritsü ta tenangzükba agüja liasü.