‘Mokokchung Cart’ ajanga order asütsü akok

Dimapur, March 30 (TYO): COVID19 ajanga state ajunga shibangba mapang Mokokchung District Administration-i online ajanga tongtipang tenüngdakbatem order asüba mapa ka tenzüktsüogo.
Mokokchung district ketdangsertemi ‘Mokokchung Cart’ ta ser android app ka sayatsüogo aser iba ajanga nübortemi order asütsü akok aser Delivery Officers-i COVID19 medical inyakyim lateta aliba ama ki tonga bentsür arutsü.
Iba app ya google drive link https://drive.google.com/file/d/10kqgjsnBCZmrpTp-OiYQ8Fd3c9kDDLQk/view?usp=drivesdk ajanga download asütsü akok.
Mokokchung Cart app ya tang Google Play store nung review kübok lir aser anogo tenet sülen Google Play store nungi download asütsü akok. Iba app ya Team Trail Hounds-i teyari agüja TA & Co ajanga yanglu.
Mokokchung nung alirtemisa WhatsApp number: 8794162336 / 7005238788 ajanga order sütettsü.