Mokokchung CHILDLINE 1098 asoshi Motor rally aka

Mkg, Aug. 27, 2018 : Mokokchung CHILDLINE 1098 team aser Mokokchung Motorcycle Association (MMA) o Old Soul Bikers tem longjemer CHILDLINE 1098 indang nüburtem nem metetdaktsütsü nükjidong nung motor rally ka ayonga Tuli aser Tzüdikong semdangogo. Tuli nung parnok ADC aser Tuli Police Station Officer In Charge den senden ka mena liasü aser tanurtem dak sendakba onük balala aser tebilemtsütem lemsatepba den tekümzükba aser teyari nüngdaka aliba tanurtem asoshi longjemer inyaktsü lemtep.