Mokokchung CMO-i sangdonger

Mokokchung, Sept 07 (TYO): Sorkar mapa atema medical examination aser Mokokchung district nung grade III aser IV staff tem invalidation atema October ita nung district medical board-i agitsü, anungji dept. balala dang medical check-up atema staff tem tenüng CMO, Mokokchung ket nung Sept. 30 matongdang agüjang, ta Chief Medical Officer Mkg, Dr. S.S.Akaba Longchar-i sangdong ka ajanga metetdaktsü.

Iba examination agitsü anogo aser tesemji osangkakettem nung metetdaktsütsü, aser iba osang dak alia department balala nem osang magütsütsü, ta sangdong nungsa shia lir.