Mokokchung Cross Country Eliminator tetoktepba takok ngua agiogo

Mokokchung, December 10 (TYO): Trail Hounds Cycling Club, Mokokchung teloki ayonger külen Mokokchung kübok Fazl Ali College Compound, Chuchuyimpang nung tan mezüngsüa, Mountain biking tetoktepba ka takok ngua agiogo.
Hornbill Festival 2016 den sentaktepa agiba anogo 1 tetoktepba, Mokokchung Cross Country Eliminator tetoktepba sentong nung Nagaland Parliamentary Secretary, Department of Agriculture, Dr. Benjongliba Aier tongti tesemdanger aser M.B. Longkumer tetushi tejaoker liasü.
Men’s Elite, Junior aser Women densema, tetoktepba shilem 3 küma lemsar agiba tetoktepba nung Meghalaya, Bengaluru, Sikkim, Assam, Manipur aser Nagaland nungi tetokteper ajak agi nisung 32 tashi shilem agi.
Junior Category nung Kohima nung alir Kevilobo Zhotso-i 1 buba; Kohima nungisa, Mehiesingulie Punyu-i 2 buba aser Dimapur nungi Akumdong-i 3 buba jenjang angu.
Men’s Elite Category nung Manipur kübok Imphal nung alir Thangsaban Chinglensana; Meghalaya kübok Shillong nungi Ismamul Howk aser Bengaluru nungi Nelson Sunder Hoover nungeri 1 buba, 2 buba aser 3 buba jenjang ngua liasü.
Women Category nunga Kohima nung tentetba Native Station telok nungi tetokteper 3 – Lunili Awomi-i 1 buba; Vitoshi Awomi-i 2 buba aser Akuku Rio-i 3 buba jenjang ajangzük.
Tan tetoktepba nung Oyimpong Amri-i Youngest Rider sempet/senpet agizükba osanga angazükogo.