Mokokchung DC & DEO-i election duty gari atema sangdonger

Mokokchung, Tsüklai 19 (TYO): Mokokchung district nung polling duty atema gari ajak agi 163 requisition süa lir, aser itemji Tsüklai 22, 2018 nü Guwahati nungi Mokokchcung jila tonga arutsü; iba dak alia Tsüklai 24, 2018 nü Assam nungi gari 100 arutsü, ta Tsüklai 19, 2018 nü DC & DEO Mokokchung office chamber nung senden alidang metetdaktsü.
Iba dak sendakba nung DC & DEO-i tim ketdangsertem dang, tajemtzü tzü, metsümeshidak aser light ama driver tem nem agutsütsü metetdaktsü, kechiyong parnok Imkongmeren Sports complex, Mokokchung nung anenzüktsü.
PHE Engineer, Mokokchung Division aser Engineer, Housing, Mokokchung division danga driver tem nem nüngdakba balala anepalua agutsütsü atema mepishia metetdaktsüogo.
Iba dak alia DPRO Mokokchung danga polling ketdangsertem atema nüngdakba tesem nung P.A system anepalutsütsü aser garitem agutsütsü metetdaktsü.