Mokokchung DC & DEO-i NERPAP atema metetdaktsür

Dimapur, July 16 (TYO) : National Electoral Roll Purification & Authentication Programme (NERPAP) atema Chief Electoral Officer, Nagaland-i July 18, 2015 nü Mokokchung semdangtsü aser senden ka alitsü, ta Deputy Commissioner & District Election Officer, Mokokchung, Sushil Kumar Patel, IAS-i metetdaktsü.
Iba senden ya anepdang 10:00 ako nungi Conference hall, ADC Planning Office, Mokokchung nung alitsü, anungji züngsem ajak arua adentsü metetdaktsür, ta Sushil Kumar Patel-isa sangdong nung shia lir.
Mokokchung district atema NERPAP special camp day tatembangbaji July 18, 2015 nü alitsü. Iba dak sendakba nung Booth Level Officers ajak anepdang 7:00 ako nungi nikongtsütsü 4:00 ako tashi pei lemzüka aliba Polling Station nung alitsü metetdaktsür, ta sangdong nungsa shia lir.
Iba anogo nung public-i pei polling station nung oa Aadhaar details agütsütsü aser E/Roll nung new inclusion mesüra deletions mapa inyaktsü metetdaktsür, ta Mokokchung DC-isa metetdaktsüogo.