Mokokchung DC &DEO-i sangdonger

Mkg, Aenjeti 31 (TYO): Aenjeti 31, 2018 nü sangdong agutsüba nung ajemdaker Mokokchung district kübok Assembly Constituencies 21 nungi 30 atema peipei Returning Officers-i election nung tokteptsü tebilemba alir candidates dang Tsüklai (Feb) 7, 2017 anogo tashi nung mashie anogo nung anüngdang 11:00 ako nungi nikongdang 3:00 ako tsüngda tashi nung peipei RO mesüra ARO chamber nung nomination papers file asütsü metetdaktsür, ta tanü Mkg DC-i sangdong ka nung metetdaktsü.
Nomination papers form ji peipei ROs chamber nungi angutsü.
Tsüklai 8, 2018 nü nomination papers reprangshitsü aser candidate temi tenüng agientsü atema tatembangbuba anogoji Tsüklai 12 nü asütsü, aser Tsüklai 27 nü election agitsü, ta paisa metetdaktsü.
Election mapang nung security agütsütsü atema Aenjeti 30, 2018 Central Armed Police Forces (CAPF) company 10 Mokokchung tonga aruogo.
DC aser DEO Mokokchung, Sachin Jaiswal-isa, iba ya jelia yokba dang lir, ajisüaka district nung election tiptema agitsü atema ano CAPF company aika arutsü, ta metetdaktsü.