Mokokchung DC & DEO-i taruba election atema sangdonger

Mokokchung, March 23 (TYO): Mokokchung Deputy Commissioner aser District Election Officer-i sangdong ka ajanga, taruba Lok Sabha General Election Parliamentary Constituency 2019 election aser Nagaland Legislative Assembly, 26 Aonglenden (ST) Assembly Constituency Bye-election atema mapa lemzükja alir personnel ajak dang, Form 12 (Postal Ballot atema application) aser Form 12 A (Election Duty Certificate atema application) ji March 22, 2019 nungi Postal Ballot/EDC Cell, Deputy commissioner & District Election Officer Office, Mokokchung aser polling personnel Training agiba tesem nung agütsüdar, ta metetdaktsüogo.
Mokokchung district nung election duty Personnel shirnok tanga district nung voter registration lir, parnokia EDC (Election Duty Certificate) atema Form 12 A nung apply asütsü akok. EDC aser Postal Ballot atema from ajakji April 1, 2019 anüngdang 12:00 ako tashi agizüktsü, ta kasa sangdong nung shia lir.
Election Duty Certificate (EDC) ji election duty atema lemzükja aliba Personnel ajak nem agutsütsü, ajisüaka 26 Aonglenden AC atema lemzükja alirtem nembo vote agütsütsü atema Postal Ballot aser EDC naprong agütsütsü.