Mokokchung DC-i I-Day benjungmung atema sangdonger

Mkg, August 08 (TYO): Mokokchung Deputy Commissioner, Sushil kumar Patel, IAS-i jila nung aliba sorkar mapa inyaker ajak dang August 15 nü Independence Day benjungmong anepdang 8:40 ako nung Imkongmeren Sports Complex, Mokokchung nung amongtsü, anungji iba sentong nung sorkar mapa inyakertem aser kaketshirtem ajak adentsüla, ta sangdong ka ajanga metetdaktsü.

Kasa sangdong nungsa, Head of Office tem den peipei staff tem tenüng ajatsü aser iba osangji District Administration nem agütsütsüla, ta metetdaktsü.

Mokokchung DC-isa Ungma, Mokokchung, Chuchuyimpang aser Khensa yimtem nungi Village Council züngsemtem aser GBs, Mokokchung town GBs, ward 18 prongla nungi ketdangsertem aser Mokokchung nung aliba nüburtem dang iba sentong nung adentsü metetdaktsü.