Mokokchung DC-i metetdaktsür

Dimapur, August 11 (TYO) : Mokokchung jila telongtet nung mapa lemzüka alir sorkar mapa inyakertem dang August 15, 2015 Independence Day sentong anepdang 8:40 ako nungi Imkongmeren Sports Complex, Mokokchung nung alitsü metetdaktsür, ta Mokokchung Deputy Commissioner, Sushil Kumar Patel IAS-i sangdong ka nung ashi.
Iba sentong nung sorkar mapa inyakertem/kaketshirtem ajak arua adentsü tetuyuba agütsür aser Head of office ajaki pei pei staff indang attendance agitsü aser ibaji Deputy Commissioner office ket nung agütsütsü metetdaktsür, ta Mokokchung DC-isa sangdong nung shia lir.
Ano, tanga sangdong ka nung DC, Sushil Kumar Patel IAS-isa Ungma, Mokokchung, Chuchuyimpang, Khensa yimtem nungi village council züngsemtem aser GB’s Union aser Mokokchung jila nungi GB tem den ward 18 nungi ketdangsertem den public ajak iba sentong nung arua adentsü mepishia metetdaktsüogo.