Mokokchung DC-i metetdaktsür

Dimapur, Aenjeti/Jan. 22 (TYO): Office of the Commissioner, Nagaland ajanga advertisement sangdongba den repsema Deputy Commissioner, Mokokchung, Rajesh Soundararajan-i sangdongba nung, District Administration, Mokokchung kübok post balala atema tejangrar nisungtemi application form ya Aenjeti/January 21 nungi Tsüklai/February 19, 2019 tashi nung office mapang DC office nungi form fee sen ter agütsür meshitettsü, ta shia lir.
Taoba mapang DC Office, Mokokchung nung post balala atema application agüja aliba candidate temia application form meshir tanaben agütsütsüla, ta kasa sangdong nungsa shia lir.