Mokokchung DC-i Multi-utility Centre lapoktsü

Yimyu ward, Mokokchung nung Khensa Watsu Unit Multi-utility centre lapoktsüba sülen Mokokchung DC, Sushil Kumar Patel (IAS), Khensa Village Council, Khensa Watsu Unit aser Land Resource Development, Mokokchung nungi ketdangsertem külemi agiba noksa angur.

Dimapur, October 12 (TYO) : Mokokchung Deputy commissioner, Sushil Kumar Patel (IAS)-i Yimyu ward nung Khensa Watsü Unit Multi-utility centre tanaben lapoktsüogo.
Khensa Watsü unit indang multi-utility centre ya 1990 küm lapok saka koda masüba timtem kar ajanga shibangtsüsa aküm.
Land Resource Department, Mokokchung-i sewing machine, interlock machine aser senotsü teyari agüja iba centre tanaben lapokogo.
Sushil Kumar Patel-i multi-utility centre tanaben lapoktsüdang Land Resource Department nem tenüngsang agütsü aser Village council o mapa inyakertemia iba centre pusema nungittsüla ta ayongzük.
Mokokchung DC-i skilled development nung ajemdaker jembidang Khensa watsü unit dang maneni bendanga agüja inyaktsü ayongzük aser mapa inyaker tetsürtem dang pei yimtsüng rongsenkettsüng jenjang tajungba kümdaktsütsü asoshi meranga inyaktsü ajungshi.
Sentong nung mendenji Land Resource Department, Mokokchung nungi Imlitula liasü aser Khensa Village Council Chairman, Watsu Unit Khensa tir aser Land Resource Department, Mokokchung ketdangsertemi o jembi.