Mokokchung DC-i tetuyuba agütsür

Mkg, Sept .30 (TYO): October 02, 2019 nü Imlong Place, Mokokchung nung anepdang 9:00 ako nungi Swachhata Hi Seva kübok ‘Massive Plastic Waste Shiramdaan’ ta sür mapatong ka tenzüktsü, iba sentong nungji Mokokchung district nung aliba department ajak nung mapa inyakertem arua shilem agitsü asoshi Mokokchung DC, Rajesh IAS-i tetuyuba ka agütsüogo.
Nisung ajak anepdang 8:50 nungbo sentong agiba tesemji atongtsüla, ta paisa metetdaktsü.
Iba sentong nung Mokokchung nung aliba telok balalai shilem agitsü; All Ward Union Mokokchung, Watsü Mungdang, Ao Kaketshir Mungdang, Mokokchung Town Lanur Telungjem, Mokokchung Chamber of Commerce & Industries, Clean Mokokchung Campaign, Mokokchung Press Club, Young Women Christian Association, Kabur Telok Salangtem Ward, Christ Church Mokokchung, Youth Alive Ministry, Lydia Ministry aser Royal Enfield Club Mokokchung. Item telok balalai volunteers ayongdentsü asoshi DC-i metetdaktsü.
Iba anogoji shilem agir ajaki sentong agiba tesem jagi pei kidang nungi bendanga/shimdanga aliba plastic jana (segregated plastic waste) bener arutsüla. Government aser private school, college aser institution ajak iba sentong nung arua shilem agitsü asoshi tetuyuba agütsür, ta kasa osang ajangasa metetdaktsü.