Mokokchung DC-i ward ketdangsertem dang sangdonger

Mokokchung, August 28 (TYO): Sorkar tetuyuba nung ajemdaker Mokokchung Municipal Council kübok Ward ajak nung ketdangsertem dang iba osang ya sangdonger- August 29, 2019 nü Indira Gandhi Indoor Stadium, New Delhi nungi Ato kilonseri “Fit India Movement” tenzüktsüba sentong live telecast anepdang 10:00 ako nungi MMC Shopping complex ground floor nung sayatsü, ta ADC & Administrator Mokokchung Municipal Council, W. Manpai Phom-i sangdong ka nung metetdaktsü.
Anungji ward ketdangsertemi ward nungi teshimtet nübo ayongdena iba sentong reprangdaktsüner, ta sangdong nung shia lir.
Iba dak alia ward ketdangsertemi peipei ward/community hall nunga TV sets renemer nüburtem nem iba sentong reprangdaktsütsü aser sorkar nem agütsütsü atema iba osang denji noksa tangoker August 31, 2019 tashi nung agütsütsü metetdaktsür, ta sangdong nungsa shia lir.