Mokokchung DCC-i pelaba lemsatep

Dimapur, Rongchii/April 12 (TYO): District Congress Committee, Mokokchung ajanga Lok Sabha aser By-Election 2019 nung pei tamangba yimsü wazüka ayutsü aser secular party dak rangloker congress candidate nem vote inokja congress party jenjang tajungtiba kümdaktsüogo. Nenok ajak dangi tsüngdong marutet nung iba osang kaket ajanga tepela lemsateper.
Talisa NPF party ajanga nübu, mapang, sempet, rongsen jenti indoka NPF MLAs, Ex-MLAs, Central Committee Officials aser Mkg Division President-i anir tilatiba unit tashi agi bendanga yaritepogo, nenok ajak dang DCC, Mkg ajanga tepela lemsateper. Nenok ajak maneni Tsüngremi moajang, ta DCC Mkg tir Watimongba aser General Secretary P.Aley nati sangdong ka ajanga metetdaktsü.