Mokokchung DEO-i metetdaktsür

Mokokchung, March 8 (TYO): Anogo asem, March 19 nungi 21 tashi ‘Residential Hands on Science’ ta ser shisatokden sentong ka DAN Chehiye, Carmel School, 4th Mile Dimapur nung ayongzüka lir.
Anungji, Iba sentong nung adentsü asoshi Mokokchung district kübok Government aser Private school shia nungi science tesayur kaka March 14, 2015 tashi nung tenüng agüjang ta Mokokchung DEO office sangdong ka ajanga metetdaktsüogo.
Iba sentong nung chiyungtsü aser tayipdak ajak tayongtemi anepalutsütsü ta kasa sangdong nungsa shisem.