Mokokchung DEO-i sangdonger

Mokokchung, August 29 (TYO): District Education Officer, Mokokchung kübok Grade IV staff tem, shirnoki GPF non-refundable agizükner, nenoki application den tanga nüngdakba document ajak DEO office Mokokchung nung, September 20, 2017 matongdangsa agüjang, iba sülenbo magizüktsü aser iba khuretji peii abentsü, ta tanü District Education Officer Mokokchung, Rowainla-i sangdong ka nung metetdaktsü.
Ano tanga sangdong ka nung, training magiba tesayurtem, shirnoki professional qualifications mali, nenok ajaki educational qualification ji Sept. 10, 2017 matongdang DEO office nung agütsütsüla, ta Mokokchung Dy. District Education Officer, Rowainla-i metetdaktsü.