Mokokchung district atema MCC standing Commitee ka tentet

Mokokchung, Monupii/May 02 (TYO): Nagaland nung Lok Sabha menden ka atema bye-election agitsü anogo sangdongba sülen model code of conduct (MCC) mapa küma benokogo, aser iba dak sendakba maparen benoka inyaktsü atema züngsem pongui akumba MCC standing committee tentetogo; iba luden nung mendenbubaji DC aser ARO Mokokchung, Sachin Jaiswal, IAS asütsü, ta tanü ketdangsertem osang ka ajanga metetdaktsü.
Iba luden nung züngsem pezüji: Registered National aser State political party tem nungi representative, Relo, Additional Superintendent of Police, Mokokchung, DPRO Mokokchung, Lanuakum aser Asstt. Election Officer Mokokchung, Alila Chang member-secretary nunger lir.
Bye-election dak sendakba nung DC & ARO, Mokokchung-i Monupii/May 4, 2018 anüngdang 11:00 ako nungi pa indang office chamber nung senden ka ayongzükogo; iba senden nung MCC dak sendakba onüktem nung o lemteptsü.