Mokokchung District Level Science Seminar 2015 agi

Dimapur, August 21 (TYO) : August 21, 2015 nü Mayangnokcha Government Higher Secondary School, Mokokchung nung District Level Science Seminar 2015 agiogo.
Iba tetoktepba ya “Harnessing Light: Possibilities & Challenges” omen nung ajemdaker District Education Office, Mokokchung-i ayongzük aser Queen Mary Higher Secondary School nungi Rahul Kumar-i mezüngbuba jenjang takok angu.
Sentong nung mendenji Sentienla, G/T, N.I. Jamir GHHS liasü aser GHS Mokokchung Village o Nagaland Christian Residential School Mokokchung nungi kaketshirtemi ken aten.
Iba tetoktepba nung Mokokchung nungi school 16-i shilem agi aser Allemla Jamir, District Education Officer-i takoker nem sempet agütsü.