Mokokchung District Review senden ayongzüka menogo

Mokokchung, Luchii/Dec. 03 (TYO): Tanü Mokokchung District 2nd Quarter District review senden IDSP Hall, IMDH, Mkg nung ayongzüka menogo.
MS aser CMO, Mokokchung Dr. P. Medemayang leniba nung iba sentong agi. Chief medical office Mokokchung-i sangdong ka ajanga, health sector nung timtem onük balala benoka o lemteptsü atema iba senden ayonga amen, ta metetdaktsü.
Senden nung GDMO Mkg, Dr. Sholongba-i power point presentation ajanga Urban primary health centre-i inyaka aruba mapatem metetdaktsü aser UPHC kübok outreach health camp nung angati consultation den mozü agutsüba service balala metetdaktsü.
Senden nungsa District immunization office, Mokokchung nungi Co-ordinator, Jimenyangla SHP-ia power point presentation ajanga MRVC planning unit wise coverage indang metetdaktsü; Mokokchung nung MRVC agi ayimjembaji 97.76% liasü.
Senden nung Dy CMO Mkg, Dr. Kibangkumba-i SMO’s aser MO’s dang mapang shidak nung report agutsüba den HMIS aser RCH report ita shia agutsütsü metetdaktsü.
Iba dak alia Asha co-ordinater danga salt testing report junga anepalutsü aser MO’s ajak dang peipei health units nung Beti Bachao Beti Padhao banner ayutsü metetdaktsü.
Iba senden nung SMO’s, MO’s, NHM staffs aser DAPCU staff tem aden.