Mokokchung DPDB-i LADP 2015-16 agizük

Dimapur, October 20 (TYO) : October 20, 2015 nü Mokokchung District Planning & Development Board-i financial year 2015-16 nung inyaktsüba Local Area Development programme aser schemes agizükogo.

Mokokchung district nung rongsenkettsüng jenjang tajungba kümdaktsütsü nükjidong nung sentongtem yangluba osangtem benoka olemtepba sülen DPDB-i LADP agizük.

Senden nung Industries & Commerce Parliamentary Secretary aser DPDB Mokokchung Chairman, Amenba Yaden-i o jembidang Mokokchung nung aliba Head of Office ajaki senden nung teti adentsü tayongzükba agütsü.

Ano, December 14-17, 2015 tashi Mokokchung Town Quasquicenntenial benjungmung nug züngsem ajaki yariteptsüla ta paisa mepishia metetdaktsü.

Iba benjung ya Kisama nung Hornbill Festival mungzükli amungtsü anungji ainertem aika Mokokchung Town benjungmung nung arua adentsü imlar, ta Amenba Yaden-isa ashi.

Senden nungsa Additional Deputy Commissioner, Mokokchung, Rajesh Soundararajan-i quasquicentennial atema sub-committee balalai mapa inyaka aruba osang metetdaktsü.