Mokokchung DPDB senden kaogo

Mokokchung, Aami/June 07, 2019 (TYO): ADC Planning Cell Hall, Mokokchung nung June 7, 2019 nü ita shi agiba Mokokchung District Planning Development (DPDB) senden ya ADC Mokokchung, W. Manpai Phom lenisüba kübok agia liasü.
Senden tenzüka DPDB mendenpuba Manpai-i, district nung tawa election takok ngua achaayangba nung densemba atema line departments aser NGOs dang pelaba metetdaktsü. Iba senden nung taoba senden nung lemtetbatem indang nung olemtep agia liasü, kong government high schools performance report HSLC (2019) result densema lir.
Iba Board-i mapang talangka olemtepba sülen registration atema item telok shima liasü. (i) ARUJU TSUKI-Bachelor’s Dormitory, Changtongya village. (ii) Society for Prevention of Cruelty to Animals, Mokokchung district.
Maneni, Department indang weekly attendance report koba taoba DPDB senden nungi department ajungai report süa liasü, iba inyakyim ya osang ka magütsü tashi kasa yimya nung inyaka aotsü, ta mendenpubai tetuyuba agütsü.
Kasa senden nung Board-isa, Inter State Bus Terminus (ISBT) point nungi dang nija bus ajunga senzütsü ta olemtep agia aser telemtetba takang agiogo. Senden nungsa Board nung züngsem tasen 2 – Er. Mhonlumo Kikon EE (Electrical) Mokokchung aser Rohit Singh (IAS) Assistant Commissioner Mokokchung na shima liasü.