Mokokchung DPDB senden nung LADP 2018-19 agizük

Mokokchung, Rongjui/September 04 (TYO): Rongjui/September 4, 2018 nü Mokokchung District Planning & Development Board (DPDB) senden nung Industries & Commerce Advisor aser DPDB Chairman Mokokchung, Imnatiba-i Mokokchung District Website lapokba noksa nung angur.

Mokokchung, Rongjui/September 05 (TYO): Rongjui/September 4, 2018 nü Mokokchung District Planning & Development Board (DPDB) senden ADC (Planning) Mokokchung Conference Hall nung Industries & Commerce Advisor aser DPDB Chairman Mokokchung, Imnatiba mendenbuba ser menogo, ta ketdangsertem osang ka ajanga metetdaktsü.
Senden nung taoba senden nung lemtetba onüktem reprangshji, iba sülen Chairman-i Mokokchung District Website https://mokokchungnic.in lapoktsü; iba website host ji National Information Centre lir.
Iba wwebsite tenzüktsüdang Chairman-i, iba ya ajanga nüburtem tali tesendakttepba akumtsü oiba denji külkemi district nung sorkar mapatem kanga teladak süa saatsü, ta ashi.
Paisa, iba website ajanga nübur ajak tajangzük angutsü imlar, ta shisem.
Iba website indang tongmelang agi ametetdaktsüdang, DIO, Er.Temsu-i, iba programme ya Centre-i acahaayanga inyakba policy programme ka alir, kong district shia nung single window ka alitsü aser sdictrict nung sorkar maparen ajak upload asutsü, aser iba button nung anem nung osangtem angutsü, ta ashi.
Kasa senden nujng 2018-19 küm atema Local Area Development Programme (LADP) 2018-19 agizük aser LADP atema Verification Committee tentet.
Senden nung züngsemtemisa “Society for Christian Living” agizüktsü aser registration agitsü agizük.
Mokokchung Deputy Commissioner aser Vice Chairman DPDB, Sachin Jaiswal-i senden nung züngsemtem dang Kohima nung DC’s Conference alidang benoktsü atema tebilemba onüktem asüngdang.
Iba dak sendakba nung PHED, National Highway aser Social Welfare department-i parnok timtem benoka nüburtem ajangzüktsü atema atekaraba nung sorkar atsüngdang benoktsü mepishia liasü.
Deputy Commissioner Office yangluba indang osang metetdaktsüdang DC-i, mapa shilem 40-45 bo inyakogo, ta ashi; iba dak sendakaba nung zngsemtemi iba maparen tekaraba nung renemtsü benok.
Kasa senden nung PWD Minister, Tongpang Ozukum-a densema liasü, aser sdsenden nung pai züngsemtem ang taruba senden nung tawa alima tzümopung lendong ajanga teraksatsüba osang tejangja agutsütsü mepishi.
Minister-isa, DPDB züngsemtemji mpang ajak nung yakyaka alitsüka aser district nung tatalokbatem osang ajak metetdaktsütsüla, yamaji asünungang taruba DPDB sendentem nung benoka jembitettsü aser mapang magi tekaraba nung lenmang bushitsü aser nüburtem timtem pungbatsü, ta metetdaktsü.
District website lapokba dak sendakaba nung Minister, Tongpang-i züngsemtemm dang atangji nung ibaji mapa küma inyaktsü ayongzük.
Pai department ajak dang peipei schemes aser programmes upload asutsüla, ibaji ajanga website laokba nüjidong ataloka nüburtem ajangzüktsü, ta ashui.
Senden nung board züngsem tasenpur asem- Asstt. Co-operative Registrar Societies, R.Bendang Ao, EAC, Khriethozo aser EAC, Khiuzan Kaurinta nunger metetpelaja liasü.