Mokokchung DPDP senden kaogo

Mkg, Luchii/December 07 (TYO): Takum küm Luchii atema Mokokchung district indang Monthly District Planning & Development Board (DPDB) senden ka ADC’s Planning Mokokchung conference hall nung Luchii 7, 2018 nü agiogo.
DPDB Mokokchung, Deputy Commissioner & Vice Chairman Sachin Jaiswal, IAS-i lenisüba kübok iba senden agia liasü.
Senden nung board-i Mokokchung jila aser Impur na tsüngda aliba Imchalu yimtsüng dak sendakba nung telemtetbatem sorkar dangi yoktsü telemtetba agi. Imchalu yimtsüng dak sendakba osangtemji SDO Mokokchung, Thungchambemo Tungoe-i tezüluba nung board nem agütsü.
Kasa senden nung SDO Mokokchung, Abhinav Shivam, IAS DPDB nung züngsem tasenka ama anioka liasü. Senden tembanga Sachin Jaiswal, IAS-i tepela anküp o ashiba den külemi jeli Khristmas salem lemsatep.