Mokokchung Electrical Circle kübok load shedding alir

Dimapur, August 25 (TYO): August 19 nungi September 17, 2017 tashi anogo metsünü atema Tripura nung 726.6 MW Combined Cycle Gas Turbine (CCGT) Power Plant aser Arunachal Pradesh (NEEPCO) nung 405 MW Ranganadi Hydro Electric Project (RHEP) shibangba ajanga NER Grid nung power agütsüba nung timtem ajurur.
Iba khuret atema NERLDC (North East Regional Load Despatch Center) aser SLDC (State Load Despatch Center) nati Nagaland danga power ajema anguba ama lemsaa agitsü tetuyuba agütsüogo, ta Transmission division Mokokchung tenüng nung, Executive Engineer Er. Lobosang Jamir-i sangdong ka nung metetdaktsüogo.
Anungji, Generation Plant anaji meyangluzük tashi Mokokchung Electrical division kübok Transmission Division-i load shedding asüba ajanga timtem aremzüka atatsü mepishir.
Mokokchung Electrical Circle kübok district 5 – Mokokchung, Tuensang, Mon, Longleng aser Zunheboto nung load shedding alir.
Load Shedding telemsa –
7PM to 8 PM,
10 PM to 11 PM
4AM to 5 AM
8 AM to 9 AM.