Mokokchung Forest Division pur ‘wildlife week 2020’ amung

Mokokchung, Oct 09 (TYO): Gandhi Jayanti den külemi Mokokchung Forest Division pur October ita mezüng hopta piyong “Wildlife Week 2020” sentong balala ayonga mungogo, ta District Forest Officer sangdong ka ajanga metetdaktsü.
Wildlife week amungba nüngtem nung kaketshirtem atema online ajanga yimyim (online slogan) tetoktepba sentong ka telok ana küma lemsar agi. Telok A nung Class VI-VIII aser telok B nungji kaketshir class IX-XII ta agia liasü. Iba sentong ya tongtibangsa arem shiruru wazüka aser kümzüka ayutsü nükjidong yur ayongba liasü.
Mahatma Gandhi tasoba anogo amungba den repsema wildlife week amungba mapang Care & Support Society den külem sür Mokokchung Forest Division-i sentong ka ayonga agi aser iba nungji Mokokchung yim nungi Self Help Group (SHG) 30 shi arua aden aser shilem agir ajak nem süngdong tatemtsü lema agütsü.
Iba sentong nung Mokokchung DFO, Dr. Sentitula IFS-i alima tzü mopung wazüka ayuba den külemi pei tepok sünga alitsü asoshi scientific yimya nung kiset shiruru tapu balala metsütsü indang lemsatep. Range Officer Changtongya, Moamongbai wildlife week amungba tetezü ashiba den linük tebu Mahatma Gandhi-i alima tzü mopung wazüka ayuba tsütsü shilem tulu agiba indang lemsatepa liasü.

Online slogan tetoktepba nung takokertem:
Category A (Class VI-VIII)
1st: Methium, Class 7, Govt. Middle School, Sungkomen
2nd: Hatnunhoi, Class 8, Govt. Middle School, Sungkomen
3rd: Imtinok Kichu, Class 8, Edith Douglas Hr. Sec. School Mkg

Category B (Class IX-XII)
1st: Cynthia A Warlarpih, Class 10, Don Bosco School, Tuli
2nd: Talinungsang Imchen, Class 10, Queen Mary Hr. Sec. School, Mkg
3rd: Devipila Sangtam, Class 12, Straightway Hr. Sec. School, Mkg.